Kennarar samþykkja tillögu ríkissáttasemjara

Samninganefnd Kennarasambands Íslands hefur samþykkt tillögu ríkissáttasemjara varðandi kjarasamninga við Samband íslenskra sveitarfélaga og ríkið. Þessu greindi Magnús Þór Jónsson, formaður KÍ, frá í kvöldfréttum sjónvarps. Kennarasambandið hefur samþykkt tillögu ríkissáttasemjara um kjarasamning við Samband íslenskra sveitarfélaga. Sveitarfélögin og ríkið höfðu þegar samþykkt tillöguna.

„Þetta er búin að vera óvænt vika og erfið en frá því í morgun höfum við bara setið yfir þessu verkefni að halda áfram gildandi samningi og það tókst,“ sagði Magnús Þór. Nokkur óvissa kom upp varðandi forsenduákvæði í samningum kennara og möguleikinn á uppsögn hans bar á góma. Samningurinn gildir til 1. apríl 2028. Kennarar höfðu frest til miðnættis til að samþykkja tillögu ríkissáttasemjara sem var lögð fram á fundi…