Ósemja um svartkjaft kann fáa avleiðingar fyri fóðurframleiðsluna

Strandarlondini hava ikki fingið semju um, hvussu fiskiskapurin eftir svartkjafti skal býtast. Tí kann fiskiskapurin missa burðardygga góðkenningina, tá hon gongur út í oktober, hóast svartkjaftastovnurin hevur tað gott. Tað kann fáa avleiðingar fyri Havsbrún, tí svartkjaftur er ein týðandi rávøra í fóðurframleiðsluni hjá fyritøkuni. Um góðkenningin dettur burtur, kann Havsbrún ikki longur brúka svartkjaftin sum burðardygga góðkenda rávøru og kann tí verða noytt at finna aðrar loysnir.

Aðrar rávørur kunnu brúkast í staðin, men tær hava ikki neyðturviliga somu eginleikar, og tað kann ávirka góðskuna á fóðrinum. Havsbrún hevur fyrireikað seg upp á, at góðkenningin kann detta burtur. Fyritøkan hevur framleitt frammanundan og hevur tí vøru á goymslu, um støðan broytist í næsta mánað. Samstundis arbeiða evropeiskir framleiðarar av fiskamjøli, lýsi og fóðri við at seta á stovn eina aðra góðkenning. Endamálið er at fáa eina skipan, sum í størri mun tekur støðið í, hvussu sjálvur fiskastovnurin hevur tað, og ikki…