Okwa li e tu kwetele kumwe – Pohamba

Omupresidente mukulu Hifikepunye Pohamba (91) okwa tongomona omukulukadi waye ta ti okwa li kaume nomudali muwa oo a dana onghandangala ya fimana mokutula kumwe ofamili yavo. “Omukulukadi wange okwa kala ta longo oilonga aishe yomeumbo, mwa kwetelwa nokulifa eengobe nokulonga mepya,” osho a ti ngaho. Pohamba, oo a hombola Penehupifo Pohamba momafiku 17 Auguste 1983, okwa ti efimbo olo va kala pamwe ola holola kutya omukulukadi waye oku na oukwatya uwa, oukwatya wokulela nosho yo omikalo dopovanhu. “Okwa li a kwatela ofamili yetu kumwe nokwe tu wilika puhe na okupangula,” osho a ti ngaho. Okwa ti omukulukadi waye okwa tekulila ounona vavo vahetatu oilonga, okupopya oshili nokulonga nouyuki. Efyo laye, okwa ti, ola fiya mo omwaka wa kula mofamili puhe na ou ta dulu oku u fitika.

“Omukulukadi wange okwa li e hole okulimemesha, ashike kapu na nande omunhu mofamili a kendabala a danene okuyola kwaye. Ke na katongo meumbo nokoilonga,” Pohamba ta ti. Okwa ti meumbo lavo nokoilonga okwa kala alushe e na ouyuki, omikalo diwa nefiloshisho. “Okwa li e na omhango kufye atushe nouyuki waye okwa li wa dingililwa kohole nokefiloshisho lofamili yetu. Okwa li e lipaka mo mepopilo lokunghonopeka ovakainhu nosho yo moinima i li ominge nomahepeko opaukashikekokanhu,” osho a ti ngaho. Pohamba natango okwa dimbuluka ekondjifo lomukulukadi waye loingangamwifi mokati kovanyasha, ta ti kutya okwa li unene a limbililwa komikundu da taalela ovanyasha. Mondjokonona ya leshwa kuSelma Shiteni-Utoni, ofamili yaPenehupifo oya ti efyo laye oli li ekanifo la kula neenghono kuvo, kuNamibia naAfrica. Ongomutete modikwa mounona ve li omuwoi, okwa li e na oinakuwanifa ihapu, mwa kwatelwa okufila oundenge oshisho nokulonga oilonga yomeumbo. “Shaashi oshiveli, okwa kala noinakuwanifa idjuu yokufila oundenge…