Sánchez segir lestarslys mikið áfall – 30, hið minnsta, látnir

Forsætisráðherra Spánar, Pedro Sánchez, segir mannskætt lestarslys í morgun vera mikið áfall. „Ég er miður mín yfir þessu alvarlega lestarslysi í Toledo,“ sagði Sanchez í færslu á samfélagsmiðlum. Hann sendi hlýjar kveðjur til þeirra sem lentu í slysinu og fjölskyldna þeirra. 30 manns, hið minnsta, biðu bana þegar tvær hraðlestir lentu í árekstri suður af Madríd, höfuðborg Spánar, í morgun. Tveir lestarvagnar fóru út af lestarteinunum. Enn er verið að meta aðstæður á slysstað. Talsmaður yfirvalda í Castilla-La-Mancha-héraði sagði við fjölmiðla að mögulega eigi eftir að koma í ljós að fleiri hafi farist í slysinu.

Forsætisráðherra Spánar segir lestarslys í morgun vera mikið áfall. Þetta er annað mannskæða lestarslysið í landinu á árinu. Tvær hraðlestir lentu í árekstri og 30 manns, hið minnsta, fórust. 544 farþegar voru í lestunum tveimur. Verið að rannsaka tildrög slyssins. Spænski fjölmiðillinn El País greinir frá því að mögulega megi rekja það til mannlegra mistaka. Eitthvað hafi komið upp í öryggiskerfi lestarkerfisins og því hafi átta lestir stoppað. Þeim var síðan leyft að halda áfram. Ekki tókst að koma annarri lestinni, sem lenti í árekstrinum, af stað. Þrátt fyrir það hafi hin lestin fengið skipun um að leggja…