Sérlega sæt tilfinning að slá Íslandsmet í fyrsta sinn

Birnir Freyr Hálfdánarson sem er tvítugur bætti um helgina 23 ára Íslandsmet í 200 metra fjórsundi í 25 metra laug þegar hann synti á 1:57,57. Hann bætti þar með met Arnar Arnarsonar frá 2003 um 34 hundruðustu hluta úr sekúndu. En hvernig er að slá svona gamalt Íslandsmet? „Að sjálfsögðu er miklu skemmtilegra að ná metum sem maður hefur ekki átt áður. Það er alltaf gaman að slá Íslandsmet en það er ekki jafngaman að slá sama metið fjórum sinnum. Það er sætara þegar maður nær því í fyrsta sinn. “ Birnir Freyr Hálfdánarson úr Sundfélagi Hafnarfjarðar náði lágmarki inn á heimsmeistaramótið í 25 metra laug um helgina. Það gerði hann með því að slá Íslandsmet sem staðið hafði frá 2003.

Með árangrinum um helgina vann Birnir sér inn þátttökurétt á heimsmeistaramótinu í 25 metra laug sem verður í Beijing í Kína í byrjun desember. „Við vorum að keppast um eitt sæti inn á HM og ég var búinn að reikna út hvað ég þyrfti, sem var þá eitthvað um 1:57. Ég kom mjög ánægður í bakkann og vissi að það hefði gengið vel. “ Birnir segir að fyrri hluti árs hafi verið undir hans væntingum, meðal annars Evrópumótið í 50 metra laug, en núna sé hann á góðum stað og vonist til að taka það með sér inn á HM. „Ég ætla að halda áfram að bæta mig og komast eins nálægt undanúrslitum og ég get á því móti. “ Hörð keppni en stefnan sett á Ólympíuleikana Stóra markmiðið er svo að komast inn á Ólympíuleikana eftir tæp tvö ár í Los…