Iloiloina e le Senate ia le mafua’aga ua tuai ai ona maua lafoga a tagata

[ata: foa'i] By Lali Staff Pago Pago - AMERIKA SAMOA O le aso ananafi na fa’ato’a maua ai e nisi o le atunu’u ia a latou siaki mai a latou lafoga, ua leva ona faila. O lenei mataupu sa faapea ona iloiloina e le Senate, i le vaiaso ua mavae, ma na mafai ona auai atu ai le pulega o le Ofisa o Lafoga, aua se faamanino, i le mafua’aga ua tuai ai ona fa’amae’a ona tufatufaina siaki o lafoga a tagata. O le Afioga i le sui taitaifono a le komiti o le Senate, ia Magalei Logovii, na fa’afoeina ia le iloiloga, ina ua le mafai ona auai ia le Taitaifono, le Afioga i le Senatoa ia Togiola T. A. Tulafono. Sa faaleoina e le afioga Magalei, i le amataga o le iloiloga, ia le tele o fa’asea mai tagata o le atunu’u, o lo’o fa’aauau pea ona o’o atu i le Fono, ona o le umi o le fa’atalitali mo a latou lafoga.

O nisi, ua silia ma le tausaga o faatalitali, ma e iai nisi foi nisi o sui faitulafono, o lo’o fa’atalitali foi a latou lafoga, mai i le tausaga ua tuanai. I le tali mai a le susuga I le sui pule a le Ofisa o Lafoga, ia Tima Mauga, na ia fa’amaonia ai le saunoaga a le afioga i le sui taitaifono, i fa’asea a le aunu’u, ae sa molimau Mauga, o lo’o galulue punoua’i lo latou ofisa, ina ia mafai ona fofoina ia le faafitauli. Sa ta’ua e Mauga, i lana molimau, mai ia Oketopa 21, 2026, e 3,595 lafoga, e le’i o’o iai le fa’agasologa. Ma o le mafua’aga, e pei ona molimau Mauga, ona o le suiga i le polokalama fou lea ua fa’aaoga nei e le latou ofisa, e ta’ua o le RAIS. Sa molimau foi Mauga, o lo’o galulue le latou aufaigaluega, ina ia tu’uina i totonu o le polokalama fou, ia fa’amaumauga o tagata totogi lafoga, o se galuega sa masani ona fa’atino e komipiuta, ae o lea ua fa’ataunu’u e tagata. O le mafua’aga lea o le tuai ai ona faagasolo ia le totogiina o lafoga. Sa faamanino e Mauga, o lenei…