Formaðurin: Arbeiðsvikan verður stytt ein tíma um eitt ár

Um eitt ár verður arbeiðsvikan hjá limum í Starvsfelagnum stytt ein tíma. Tað væntar Súni Selfoss, formaður í Starvsfelagnum. Í gjár kom fram, at Fíggjarmálaráðið hevur givið fakfeløgunum eitt tilboð um at stytta arbeiðsvikuna, um tey millum annað vilja samráðast um reglur fyri neyðtilbúgving og undantøk í sambandi við arbeiðssteðg. Øll 12 feløgini, sum gjørdu ein felags lønarkarm við landsstýrið í fjør, hava fingið tilboðið. Súni Selfoss vísir á, at Starvsfelagið hevur longu avtalu um neyðtilbúgving.

BLF hevur limafund Búskapar- og løgfrøðingafelagið, BLF, hevur eisini fingið líknandi tilboð sum Starvsfelagið. Limirnir í BLF skulu nú taka støðu til uppleggið. Tað verður gjørt á limafundi í Havn 17. september. Umframt avtalu um neyðtilbúgving er talan eisini um, at lønarhækking ikki bara skal vera í prosentum, men eisini lutvíst í krónum. Lønarkarmurin er fimm ár, og neyðugt er ikki at broyta hann, um arbeiðsvikan nú verður stytt ein tíma. Hoyr innslag í útvarpstíðindunum: 10092026_Selfoss Hvørki Aksel V. Johannesen, landsstýrismaður í fíggjarmálum, ella Jan Sjóstein, stjóri á lønardeildini, vilja úttala seg um málið.…