John Swedenmark hlýtur Vigdísarverðlaunin

Sænski þýðandinn, ritstjórinn og rithöfundurinn John Swedenmark er handhafi Vigdísarverðlaunanna 2026. Hann hlýtur verðlaunin fyrir framlag sitt í þágu menningar og tungumála með bókmenntaþýðingum sínum. Swedenmark nam norræn tungumál við Háskólann í Uppsölum og hefur í áratugi verið helsti núlifandi þýðandi íslenskra bókmennta á sænsku.

Hann hefur verið nefndur sendiherra íslenskra bókmennta í Svíþjóð og hlotið fjölda viðurkenninga fyrir störf sín, þar á meðal hina íslensku fálkaorðu árið 2018. Vigdísarverðlaunin eru árlega veitt einstaklingi sem brotið hefur blað með störfum sínum í þágu tungumála, menningar og þýðingastarfs. Íslensk stjórnvöld, Háskóli Íslands og Vigdísarstofnun – alþjóðleg miðstöð tungumála og menningar, starfrækt undir merkjum UNESCO, efndu til Vigdísarverðlauna í tilefni af stórafmæli Vigdísar Finnbogadóttur vorið…